Салбар сургууль
ЭРХЭМ ЗОРИЛГО Тогтвортой хөгжилд хамтдаа
Одоогоор Сэтгүүл зүй, Агаарын тээврийн үйлчилгээ, ОУ-харилцаа, Сэтгэл зүй, Багш-Гадаад хэлний боловсрол, Орчуулагч-Гадаад хэлний боловсрол, Багш-сургуулийн өмнөх боловсрол зэрэг хөтөлбөрийг хэрэгжүүлж байна. Мөн Сэтгүүл зүй, Хэл шинжлэл, Боловсрол судлалын магистрын, Хэл шинжлэл, Боловсрол судлалын чиглэлээр докторын сургалт явуулдаг.
Хүмүүнлэгийн сургуулийн нийт оюутны 80 гаруй хувь нь өдрийн ангид, 20 хувь нь орой, эчнээ ангид суралцаж байна. Төгсөлтийн дараах сургуулийн докторант, магистрантууд нийт суралцагчдын 10 орчим хувийг эзэлдэг.
Хүмүүнлэгийн сургуулийн төгсөгчид Монгол, Хятадын засгийн газрын 100 хувийн тэтгэлгээр гадаадад бакалавр, магистр, докторын сургалтад хамрагдах боломжтой. Мөн Хятад хэлний орчуулагчийн ангийн оюутнууд зуны амралтаараа БНХАУ-д соёлын солилцооны аялалд хамрагддаг. Үүнээс гадна, Хүмүүнлэгийн сургуулийн дэргэдэх “ЖЕНИУС” орчуулгын товчоонд ажиллан, дадлагажих бололцоог оюутнууддаа олгож байна.
Боловсрол судлал, хэл шинжлэл, сэтгүүл зүйн мэргэжилтнүүдийг онол, дадлага хосолсон хэлбэрээр сургаж, суралцангаа туршлагажих боломж олгодог онцлогтой.
Манай хамт олон
Хүмүүнлэгийн сургууль 33 үндсэн багштай. Тэдгээрийн 40 хувь нь Шинжлэх ухааны болон Боловсролын доктор, 60 хувь нь магистрын зэрэгтэй, гадаад дотоодын нэр хүндтэй их сургуульд боловсрол эзэмшсэн шилдэг багш нар юм. Жил бүр гадаадын 2-5 мэргэжилтэн багшийг урьж ажиллуулдаг.
Бакалавр, магистрын хөтөлбөрийн элсэлтийн мэдээллийг их сургуулийн албанаас авах эсвэл цахим бүртгэлээр оролцоно уу.
Сургуулийн захирал
Хүмүүнлэгийн сургуулийн захирал Сэтгэл судлалын ухааны доктор (Ph.D), Дэд профессор Хичээлүүд Ерөнхий сэтгэл судлал, Харилцааны сэтгэл судлал, Сэтгэл зүйн зөвлөгөө, Сэтгэц оношилгоо, Боловсролын сэтгэл судлал
Сэтгэл судлал, Нийгмийн ажлын тэнхим
Хүмүүнлэгийн сургууль — тэнхимүүдийн товч танилцуулга.
Танилцуулга
Боловсролын тогтолцоонд сургуулийн өмнөх боловсрол нь тэргүүлэх ач холбогдолтой бөгөөд Монгол Улсын Засгийн Газраас баталсан нэн хэрэгцээтэй ажил мэргэжлийн жагсаалтад Багш, Сургуулийн өмнөх боловсрол мэргэжил багтсан нь тухайн мэргэжлийн ач холбогдол, нийгмийн үнэлэмжийн баталгаа болж байна.
ОТИС нь багш, сургуулийн өмнөх боловсрол олгох бакалаврын хөтөлбөрийг 2011 оноос хэрэгжүүлж эхэлсэн бөгөөд одоогоор ахисан түвшинд Боловсрол судлал, Боловсролын удирдлага, БСӨБ хөтөлбөрийн магистр, Боловсрол судлалын доктор бэлтгэх сургалтыг тус тус хэрэгжүүлж байна.
Бид сургалтын уялдаа холбоог бэхжүүлэх, нэгдмэл байдал, залгамж чанарыг хадгалах, сургалтын чанар, үр нөлөөг дээшлүүлэхийн тулд мэдлэгийн агуулга, багтаамжийг өргөжүүлэх, шинжлэх ухаан хоорондын интеграцид түшиглэн прагматик чиглэлийг түлхүү хөгжүүлэх зорилгыг дэвшүүлэн, хэрэгжүүлэхийн төлөө ажилладаг.
Боловсрол судлалын тэнхим нь МУ-ын гавьяат багш 1, доктор багш 3, докторант багш 3, магистр багш 1, нийт 7 багшийн бүрэлдэхүүнтэйгээр сургалт, эрдэм шинжилгээ судалгааны болон хүмүүжлийн олон талт үйл ажиллагааг эрхлэн явуулж байна.
Тус тэнхимийн багийн бүрэлдэхүүнд:
Тэнхимийн багш нар мэргэжлийн багш бэлтгэх ангид хичээл заахаас гадна ОТИС-ийн салбар сургуулиуд болох Хүмүүнлэгийн сургууль, Хууль зүйн сургууль болон Эдийн засаг бизнесийн сургуулийн бакалавр, магистрын ангид Багшийн хөгжил ёс зүй, Сурган хүмүүжүүлэх зүй, Боловсрол судлал, Боловсролын менежмент, Судалгааны арга зүй, Хүний хөгжил харилцааны ёс зүй зэрэг хичээлүүдийг заадаг. Мөн салбар сургуулийн багш нартаа эрдэм шинжилгээ, сургалт, боловсролын онол арга зүйн чиглэлээр хичээл заах, тэдний судалгаа, эрдэм шинжилгээний ажилд туслах зорилгоор зөвлөгөө өгөхөөс гадна, багшлах эрхийн сургалтыг эрхлэн явуулдаг.
Боловсрол судлалын тэнхим нь Боловсролын яам, гадаад дотоодын их дээд сургууль, олон улсын байгууллага, төрийн захиргааны болон төрийн бус байгууллага, СӨБ-ын салбар дахь байгууллагууд, ШУА-ийн боловсролын салбарын төдийгүй судалгааны хүрээлэн зэрэг гадаад дотоодын нийт 30 орчим байгууллагатай сургалтын болон төсөл хөтөлбөрүүдийн хүрээнд хамтран ажиллаж, боловсролын ирээдүйн чиг хандлагыг судлан хэрэгжүүлэх ажилд тэргүүлэх чиглэлтэй оролцож байна.
Нийт 7 багш
Боловсрол судлалын тэнхим
Боловсрол судлалын тэнхим
Боловсрол судлалын тэнхим
Боловсрол судлалын тэнхим
Боловсрол судлалын тэнхим
Боловсрол судлалын тэнхим
Боловсрол судлалын тэнхим